Due poesie di Franco Loi
De Diu sun matt
De Diu sun matt, se streppa la cunscienza.
Vu ‘n gir, el pensi, me ‘l remèni, e vu…
E püssé ‘l pensi, e pü gher sun luntan.
Diu l’è schrsus…L’è cume fa la lüna,
ch’i mè penser în nüver, e lü se scund.
Inscì. Me tundi via, parli cuj èmm,
e matta l’è la lüna, ciara lünenta,
cun la sua lüs che slisa ne la nott.
Di Dio sono pazzo, si strappa la coscienza. Vado in giro, lo penso, me lo rimugino, e vado… | E più lo penso, e più sono
lontano! Dio è scherzoso…È come fa la luna, | che i miei pensieri sono nuvole e lui si nasconde. | Così, mi distraggo, parlo con
gli uomini, | e matta è la luna, chiara luneggiante, | con la sua luce che scivola nella notte.
Da: Memoria, di Franco Loi
Me sun senti…
Me sun sentî de mör sensa capì
che nüm se mör e nàss sensa savè…
Ma gh’era ‘na fenestra due par scür
e ghe se riva adasi per la piassa
cun sura un fassulètt de stèll e mür
che pàrlen d’òmm antìgh e de miseria…
Me sun sentî de mör quand û savü
che gh’era ‘na fenestra ne la sera,
e bianca l’era, e ‘vèrta cume ‘l sû…
Ma quand û camenâ per quèla piassa
mì me sun pers tra i pass, e la fenestra
l’era luntana e mì seri nel scür.
Mi sono sentito morire senza capire/che noi si muore e nasce senza saperlo…/Ma c’era una finestra dove sembra buio/e ci si
arriva adagio per la piazza/con sopra un fazzoletto di stelle e muri/che parlano di uomini antichi e di miseria…/Mi sono sentito
morire quando ho saputo/che c’era una finestra nella sera,/ed era bianca, e aperta come il sole…/Ma quando mi sono avviato
per quella piazza/mi sono perso tra i passi, e la finestra/era lontana e io ero nel buio.
Da: Bach, di Franco Loi
